O Proceso de Boloña, e a implantación das súas diferentes iniciativas e dos seus mecanismos, supuxo, para facilitar o recoñecemento de titulacións no ámbito da Unión Europea, a dinamización de iniciativas xa existentes e a posta en marcha doutras moitas.
O rexistro europeo de calidade (EQAR) ten por obxectivo aumentar a transparencia en temas de garantía de calidade para educación superior e así promover a confianza mutua no Espazo Europeo de Educación Superior.
ECA é o acrónimo de "European Consortium for Accreditation in higher education". O seu obxectivo principal é a promoción do recoñecemento mutuo das decisións ligadas á acreditación e á calidade de institucións e programas de estudo como unha ferramenta para favorecer o recoñecemento de cualificacións en educación superior e a mobilidade de estudantes e egresados.
No Comunicado de Londres, decidiuse promover e favorecer o recoñecemento mutuo das decisións nacionais en ámbito da garantía da calidade, como por exemplo a acreditación de institucións e programas de estudo.
ENIC é o acrónimo de "European Network of Information Centres (para o recoñecemento académico e a mobilidade). ENIC foi creado pola UNESCO e polo Consello de Europa. Esta rede recompila a información de cada país relativa ao recoñecemento dos títulos estranxeiros, ás facilidades para a mobilidade incluíndo bolsas e empréstitos, etc.
® Ministerio de Educación
Declaración de Bolonia