A participación dos estudantes na converxencia europea universitaria atravesa as fronteiras dos países que conforman o EEES. Transmítese a través de asociacións de dimensión europea, multidisciplinar, internacional e sectorial, con opinión cualificada nos foros educativos máis relevantes.
Asociación Europea
ESU (European Students' Unión), reúne un total de 49 sindicatos de estudantes de 38 países e representa máis de 10 millóns de estudantes.
O seu obxectivo é representar e promover os intereses educativos, sociais, económicos e culturais dos estudantes a nivel de todas as institucións relevantes europeas e en particular a Unión Europea, o Grupo de Seguimento de Boloña, o Consello de Europa e a UNESCO.
Asociacións multidisciplinares
AEGEE (Association des États Généraux des Étudiants de l'Europe), é unha das asociacións de estudantes interdisciplinarias e internacionais máis fortes no ámbito europeo.
Aparte de promover o intercambio cultural e o fortalecemento do sentimento europeo, un dos seus principais campos de acción é a educación superior e, entre outras actividades, organizan cursos universitarios no verán.
AIESEC (Asociación Internacional de Estudantes), é a organización internacional de estudantes multidisciplinar máis grande do mundo con máis de 32.000 membros en todo o mundo.
Asociacións sectoriais
BEST (Board of European Students of Technologies). A asociación de estudantes europeos de tecnoloxías fundouse en 1989 buscando o entendemento e respecto entre as diferentes culturas e sociedades.
Esta rede europea componse de 81 grupos locais presentes en case 30 países, entre os que se encontran catro universidades españolas: a Universitat Politècnica de Catalunya, a Universidade politécnica de Madrid, a Universidade de Valladolid e a Universidade Carlos III.
Os seus membros organizan cursos académicos, competicións de enxeñaría e simposios educacionais. Estes últimos son eventos nos que os estudantes participan en debates e teñen a oportunidade de expresar as súas ideas en temas de educación.
ELSA (European Law Students Association), é a maior asociación mundial de estudantes de Dereito, con máis de 30.000 socios de máis de 36 países en Europa. Na actualidade mantén distintas relacións con diferentes organismos internacionais: ECOSOC, UNCITRAL, UNESCO, ICC, UNHCHR, UNRISD, ILO, WIPO, WTO, ICRC, Parlamento Europeo, Consello de Europa, entre outros.
Comparte:
Declaración de Bolonia
