O movemento estudantil gañou en dimensión europea co desenvolvemento do Espazo Europeo de Educación Superior (EEES). A historia do Europeans Students Union (ESU) é demostrativa desa evolución.
Naceu en 1982 mediante a agrupación de sete sindicatos de estudantes (WESIB) para, simplemente, recoller e distribuír a información procedente dos organismos europeos en materia de educación.
O éxito dos programas de intercambio Erasmus e Sócrates ampliou a súa nómina de membros ata 31 sindicatos en 1992. Pasou a chamarse ESIB (sen o W de West). Para entón, os seus fins xa adquiriron un enfoque máis representativo dentro das institucións europeas.
Pero foi o arranque do Proceso de Boloña en 1999 o que consolidou o rebautizado ESU en voceiro autorizado na converxencia do sistema universitario europeo, representando máis de dez millóns de persoas de 36 países diferentes.
Para entender as súas achegas ao Proceso de Boloña, podes consultar o documento (en inglés), de novembro de 2008: Towards 2020: A Student-Centred Bologna Process.
Comparte:
Declaración de Bolonia
