O Grupo de Seguimento de Boloña (BFUG, Bologna Follow-Up Group) é o equipo no que confiaron os ministros de Educación europeos para xestionar o Proceso de Boloña entre as reunións ministeriais. O BFUG elabora o programa de traballo, que constitúe unha serie de seminarios, varios grupos de traballo e outras actividades de interese para todos os que participan no proceso.
Aínda que o proceso de Boloña non é unha actividade da Unión Europea, non cabe dúbida do grande apoio que prestou dende os seus inicios.
Cando se estableceu o Grupo de Seguimento de Boloña (BFUG), a comisión Europea converteuse nun membro en igualdade de condicións co representante dos países participantes.
A rede europea para a garantía da calidade da educación superior constituíuse no ano 2000 para promover a cooperación neste campo. En novembro de 2004 a Asamblea Xeral transformou a rede na Asociación Europea para a Garantía da Calidade da Educación Superior (European Association for Quality Assurance in Higher Education: ENQA).
O movemento estudantil gañou en dimensión europea co desenvolvemento do Espazo Europeo de Educación Superior (EEES). A historia do Europeans Students Union (ESU) é demostrativa desa evolución.
A Asociación da Universidade Europea (European University Association: EUA) é un dos organismos máis influentes da Educación Superior Europea.
Reúne centos de universidades de 46 países distintos.
A Asociación Europea de Institucións de Educación Superior (European Association of Institutions in Higher Education: EURASHE) reúne tanto a universidades, institutos politécnicos, colexios, escolas de posgrao, como centros de investigación universitarios cuxa misión vai dirixida á formación de profesionais de alto nivel.
® Ministerio de Educación
Declaración de Bolonia