Non podería entenderse unha universidade europea que non garantise a todos os cidadáns o acceso aos estudos superiores con independencia do seu nivel de renda. De feito, o Plan Boloña non fixo outra cousa senón universalizar un ensino universitario internacional do máximo nivel académico e as maiores potencialidades de emprego.
O acceso á educación superior en España mellorou grazas ás múltiples opcións de obter unha bolsa. Dificilmente unha persoa con bo expediente académico pode quedar sen acceso á Universidade por causas económicas no noso país.
Para o curso 2008-2009 o conxunto de accións de bolsas e axudas ascende a case 1 200 millóns de euros, 171,2 millóns de euros máis que o ano anterior, o que representa un incremento do 17,1%. Aquí tes todas as convocatorias publicadas:
Unha das grandes preocupacións dos estudantes á hora de facer un máster é a parte económica. Tanto o xeito de sufragar o pagamento da matrícula, como a manutención que permita unha alta dedicación ao curso académico.
Nese sentido, o sistema de empréstito-renda aprobado en España e vixente dende o curso 2007-2008 é dos máis favorables de Europa. No ano 2008 tivo unha dotación de 150 millóns de euros, a súa finalidade é colaborar no financiamento dos estudos de máster universitario.
® Ministerio de Educación
Declaración de Bolonia