Boloña clausurou o sistema de exame do alumno baseado en probas regulares de asimilación de coñecementos. Asumindo o papel de orientador, o profesor debe agora avaliar o proceso de aprendizaxe do estudante, non para sancionar os seus resultados simplemente, senón para axudarlle a cumprir obxectivos mediante un seguimento continuo do seu traballo.

O Proceso de Boloña outorga grande importancia á orientación do alumno na súa formación universitaria. Tanto é así, que converteu a titoría (antes máis ou menos opcionais) nun método de aprendizaxe esencial: de asistencia obrigatoria para o estudante, computable nos créditos da matrícula, e incorporada ao programa do docente.