Europako Hezkuntza ministroen konfiantza du Boloniaren Prozesuaren jarraipen taldeak (BFUG, Bologna Follow-Up Group), ministroen bilera batetik bestera Boloniako Prozesua kudeatzeko. BFUGk lan-programa, mintegiak, lan-taldeak eta bestelako hainbat jarduera interesgarri antolatzen ditu, denek prozesuan parte har dezaten.
Nahiz eta Boloniako Prozesua Europar Batasunaren jarduera ez izan, babes handia eman dio horrek hasiera-hasieratik. Boloniako Prozesuaren Jarraipen Batzordea (BFUG) sortu zenean, horren kide bihurtu zen Europako Batzordea, parte hartzen zuten herrialdeen ordezkarien pareko baldintzekin.
2000. urtean sortu zen Goi Milako Hezkuntzaren Kalitatea Bermatzeko Europako Sarea, arlo horretan lankidetza bultzatzeko. 2004ko azaroan, Batzar Nagusiak Goi Mailako Hezkuntzaren Kalitatea Bermatzeko Europako Elkarte bihurtu zuen sarea.
Ikasleen mugimenduaren garrantzia areagotu egin da Goi Mailako Hezkuntzako Europako Eremua (EEES) garatzearekin batera. Europako Ikasleen Elkartearen (ESU) historiak ongi erakusten du bilakaera hori.
Unibertsitateen Europako Elkartea (European University Association: EUA) da Europako Goi Hezkuntzako organismo eraginkorrenetako bat. Berrogeita sei herrialdetako ehunka unibertsitate biltzen ditu. 2001eko martxoan sortu zen, Salamancan, Association of European Universities (CRE) eta Confederation of European Union Rectors' Conferences elkarteen batasunaren ondorioz.
® Ministerio de Educación
Declaración de Bolonia